Nanulis aron tabangan ang mga pobre ug gigutom sa Africa

USA ka Robin Hoodstyle charity worker nipahigayon sa labing dako nga security van robbery sa Austria ug nikawat sa £3 milyones.

Ang kanhing pulis niplano niini uban sa duha ka laing tawo aron ihold up ang van kay buot niyang ang kwarta nga ilang natulis ipanghatag sa mga nanginahanglan sa Africa.

Ang tulisan, kinsa di mahinganlan nunot sa istriktong balaod sa privacy sa nasod, nagporma sa iyang kaugalingong kompaniya sa security dihang napugos siya sa pagretiro isip pulis human napusilan samtang nagduty.

Apan, human siya nakatrabaho sa Africa naapektuhan sa kapobrehon ug kagutom nga personal niyang nakita.

Nagplano siya nga tulison ang Loomis security van human iyang nadiskubrehan nga nagkarga kinig daghang kwarta alang sa Pasko nga ipamutang sa mga cash-machines sa Vienna.

Ang tulisan niagni sa kanhing empleyado sa iyang kompaniya nga moapil sa iyang plano human nakombinse niya nga tabangan siyag nga ipaambit ang bahandi sa tibuok kalibutan.

Bisag nagsulob silag maskara atol sa insidente, usa sa mga empleyado kompaniya nitugan sa pulis nga nagtuo siya nga ang babaye nga nakuha sa CCTV camera susama sa pamayhon sa iyang kanhing kaubang empleyado.

Human nasikop ang duha, nadiskubrehan sa kapulisan ang salapi nga gitago sa pangki sa balay sa ugangan nga lalake sa suspek dihang nakigsaulog siya sa Pasko uban sa iyang pamilya.

Ang tulisan nagkuha na sa mga binandol nga salapi diin iyang gipanghatag sa ilang mga silingan isip donasyon ilabi niadtong mga tawo nga nasayran niya may problema sa kwarta.

Nipahibawo siya sa kapulisan nga gamay pa ang iyang nahatag sa salapi kay buot siya nga ang dakong bahin niini iyang ihatag sa nailo nga mga tawo sa Africa ug tinguha niya nga motukod og mga balay ug tunghaan sa Equatorial New Guinea.

Ang iyang asawa nipahibawo nga dihang nibalik ang suspek human nitrabaho sa Africa nausab ang pagkatawo niini.

“When he was there he saw the starving children and this really affected him. Since then he was never the same. He was always planning charitable projects, and was always talking about dividing up wealth around the world,” matod sa asawa sa tulisan.

Ang abogado sa tulisan nga si Werner Tomanek nikompirmar nga ang iyang kliyente kanunay modonar sa mga charity ug motabang sa mga tawo nga nagkinahanglan.

“He wanted to send the money to Africa in a container full of cheap electronic items. He was keeping it in the attic until he got it organised. He told the family that the cases were full of old documents. Some of the money he also anonymously put through people’s letter boxes who he knew were in financial difficulty,” butyag ni Tomanek.

Ang duha ka mga tulisan gikustodiya na karon sa kapulisan ug gibilanggo.