Iring mitimbang og sama sa 3 anyos nga bata
IRING nitimbang og mosobra sa gibugaton sa tres anyos nga bata.
Ang higante nga iring gihinganlag Meatball gikan sa Phoeniz, Arizona, nga nitimbang og 36 pounds, gihipos karon sa Maricopa County animal shelter sa Mesa.
Si Meatball napasapasa ngadto sa mga nagkadaiyang kabalayan ug gituohan sa usa sa mga tagiya niini nga gipakaon kinig pagkaon nga alang sa mga tawo nga niresulta nga pwerti na siya dakoa karon.
Niadtong milabayng semana, ang bagohay nanagiya kang Meatball nihatag niini ngadto sa animal shelter kay di na niya maatiman kini.
Ang iyang pagdako milisod sa iyang paglihoklihok sama sa normal nga mg airing ug ang iyang mga tagiya nagkanayon nga kanunay lang kini nga makasugat og aksidente.
Si Shelter worker Melissa Gable nihulagway kang Meatball nga “biggest cat I have ever seen”.
Si Meatball nagpangedaron og upat ka tuig ug pwerte nang dakoa unya adto siya timbangon sa mga timbangan alang sa mga iro.
Nitimbang na siyag 36 pounds diin makaupat piluon sa gibugaton sa mga normal nga mga iring nga sama niyag edad.
Aron moubos ang iyang timbang, si Meatball gipaubos sa istrikong “low-calorie diet” apan di siya interesado sa mga pagkaon nga gihatag kaniya.
Ang mga nagpabantay karon kang Meatbal namahayag nga mahigalaon ang hayop apan sa iyang sitwasyon sa panglawas ug gidakon di siya mahimo nga ipaubos sa adoption.