Crazy for you
(Ikalima sa pito ka mga gula)
SA akong paminaw, gilibutan ko sa mga anghel. Nag-abiabi sa akong kalipay. Nia karon sa akong atubangan si Marco, ang akong dream boy. Aw, mahimo sang my last love.
“Komusta ka na, Mayeen?” “H-Ha. Aw, okay man. Pero frustrated sa love.” Namuwa ang akong nawong sa pagsulti ko ani. Wa ko makapugong sa akong kaugalingon, gidaygan ko siya sa akong feeling. Nabatyagan kaayo nako, uy, ang pag- blush sa akong nawong. Bahala na si Marco kon unsay iyang pagtuo sa akong pagkababaye. “Frustrated gud. Anang imong kaseksi, wa kay uyab?” “Wa lagi. Naghuwat kong pangulitawhan ko sa lake nga love kaayo nako.”
Mikurog ang akong tibuok kong lawas kay gikuptan ni Marco ang duha ko ka nga abaga. Ning higayona, seryuso siya.
“Look, Mayeen, don’t bother your mind. Moabot ra gihapon ang lake nga magmahal nimo. I’m sure, mahalon mo sab siya. Ayaw paglaom anang lake nga imong giingon. Pasakitan ka lang. Pahilakon ka lang.”
Wa ko makalihok sa akong nahimotangan. Milakaw na si Marco. Mibiya na siya nako. Nganong nakaingon siya niadto? Hilom kong nakaingon. Timailhan ba ang iyang gisulti nga mahunong nakog huwat nga iyang pangulitawhan?
Aw, ang mga lalake makamatikod man gyud sa mga babaye nga nakagusto niya. Morag nasyod si Marco nga inlove ko niya. Ug di siya makahimo nga pahimuslan ang higayon. Mahimo nga iya kong pangulitawhan. Ug iya lang duwaduwaan kay wa siyay
love nako.
God! Please help me to forget Marco!” Nakahangad ko. Nasangpit ko ang Diyos.
Pagka hapon, morag di pa ko gustong mopauli gikan sa eskwelahan. Morag gusto kong maghubog aron makalimot ko sa akong kapakyasan. Pero unsa may resulta pagkahuman? Ako ra gihapon ang mag-antos sa kasakit sa ulo. Na, wa ra ba ko maanad sa pag-inom og bino.
Nakadesisyon ko nga mag- window shopping na lang aron paglingaw sa akong kaugalingon. Gikan sa Mall, misulod ko sa usa ka snack bar. Lawom ang akong gihunahuna samtang naginom ko sa juice. Nakalingi ko kay dunay nangighat sa akong luyo. “Puydeng mo- share sa imong table, Mayleen?” Si Daniel ang nagtindog sa akong luyo. Nagsapwang siya sa tray nga gisudlan sa iyang pagkaon ug drinks. Gitando ko si Daniel. Milingkod siya sa akong atbang. Mitutok si Daniel nako.
(SUMPAYAN)