RP, U.S. DILI MAG-ABOT

DILI ikaharong sa RP Gilas Pilipinas ang grupo ni Lebron James nga Team USA sa preliminary round sa umaabot nga FIBA Basketball World Cup karong Agusto sa Spain.

Ang Gilas nakalikay sa labing gikahadlukang puwersa dihang nasulod sila sa Group B sa official draw kagahapon nga gipahigayon sa Palau de la Musica Catalana sa Barcelona.

Gikauban sa Pilipinas mao ang kanhi Olympic champion Argentina, nga pangulohan nila ni NBA stars Manu Ginobili ug Luis Scola, Croatia, Greece, Puerto Rico, ug Senegal.

Ang Argentina kasamtangang no.3 sa world ranking, ang Greece no. 5, ang Croatia no.16 ug ang Puerto Rico no.17.

Ang Senegal maoy bugtong nasod nga ubos sa Pilipinas sa ranking. Nagbitay sa no. 41 ang Senegal samtang no.34 ang Pilipinas. Pinaagi sa Twitter, gipabuhagay ni

national coach Chot Reyes nga ang iyang paghandom nga nasulod s Group C ang Gilas kay sa iyang tan-aw dako unta ang poruhan sa team nga makasulod sa top 16.

“Sayang! The 2 teams I felt kaya natin - Ukraine & Finland nasa Group C.

Would’ve loved to be in that group. Basta #LabanPilipinas #PUSO!” tweet ni Reyes nga migawas sa www.spin.ph.

Nangandoy sab unta si Reyes nga nasulod sila sa grupo diin sakop ang Team USA aron seguradong masinati sa iyang mga magduduwa ang pagpakigbatok sa world powerhouse.

Ning puntoha, kinahanglang makasulod sa top 16 ang Gilas aron magpabiling buhi ang ilang poruhan nga makakontra sa Team USA nga naa sab sa Group C.

Ang mopatigbabaw nga upat ka teams sa upat ka mga grupo mao ang makaabante sa top 16 knockout stage.

Ang ubang teams sa Group C mao ang New Zealand, Turkey, ug Dominican Republic.

Naglangkon sa Group A mao ang host Spain, France, Egypt, Iran, Serbia, ug Brazil samtang naa sa Group D mao ang Slovenia, Lithuania, Angola, Korea, Mexico, ug Australia.

Gipasabot ni Reyes nga garbo na sa Gilas nga nakasulod og balik sa world stage sa labing unang higayon sulod s 40 ka mga tuig.

“We are very proud. We relish this experience. It’s the first time in 40 years and it's an honor to be drawn with Argentina and super powers like Croatia,” matod ni

Reyes sa interbyu sa FIBA TV. “We like the fact that we are playing in Seville. We know we have quite a big Filipino population there. We expect a lot of our countrymen to come out to watch the games ‘live’ while people from the Philippines are going to fly over to watch the games.”

Nidugang si Reyes nga wala siya magilusyon nga makasugakod sa kompetisyon apan gipasalig niyang buhaton nila ang tanan nilang makaya alang sa Pilipinas.

“We have no illusions about our group which is very tough but like I said we relish it. We are going to prepare very, very hard. For a team like the Philippines there is no easy group for us in a competition like this,“pasabot ni Reyes.

Aron makalusot sa top 16, ang dakong poruhan sa Gilas mao ang pagbuntog sa Senegal ug Puerto Rico.