EDDIEGUL NAGPALUYO SA SAYONG PAGBUKAL SA PULITIKA SA TALISAY?

BISAN layo pa ang 2016 elections, ang kawa sa pulitika sa dakbayan sa Talisay misugod na sa pagbukal.

Ang kampo ni Mayor Johnny de los Reyes (JVR) nagtuo nga ang sunodsunod nga intriga sa iyang administrasyon mugna sa ilang kontra sa pulitika.

Si City Administrator John Yre de los Reyes, anak sa mayor, niingon nga ang tanang isyung nanggawas tungod sa nagpasuwabi nga pulitika.

Gitumbok niya si kanhi Kongresista Eduardo (Eddiegul) Gullas, kauban sa partido nga si Bise Mayor Romeo Villarante ug ubang nagpahipi sa landong sa pulitika.

Matod niya, si Gullas dakong posibilidad nga mobalik sa pagkandidato sa pagka mayor human wala makadawat nga napildi sa iyang amahan sa eleksyon.

Samtang si Villarante gihulagway niya nga gusto nang mohulip sa puwesto ni JVR, diin una niyang damgo.

Gipakagamay niya ang mga isyu nga mitumaw gikan sa Commssion on Audit (COA) dungan sa pagbahad nga dunay silay ipabuto usab nga isyu ug daghang mapagan nga naa sa konseho.

“Let them draw their cards first..” matod ni Yre nga nahinabi sa Sun.Star Superbalita.

Apan si Villarante niingon nga kon duna may isyu nga mitumaw walay laing mabasol mao ra usab ang mayor sanglit iya man kining mga binuhatan.

“Unsaon pagsuroy nato manghatag og project nga ila man gihurot ug mga suwapang. Nalimot unsa akong kontribusyon nga naa sila diha,” matod ni Villarante sa