Mga hinungdan sa pagdako sa bilbil
Gusto ka ba nga mag-bikini sa beach karong summer o mag- sexy suit sa pool party? Apan naproblema ka sa imong bilbil o dako nga tiyan. Gusto ka ba nga masayod sa mga hinungdan niini? Aron masolusyonan ang imong problema, ania ang mga hinungdan sa maong suliran.
1. Permanenting pag-inom og mga softdrinks o soda Di ba makompleto imong adlaw kon di kainom og softdrinks? Kon kini imong binuhatan, undangi na ang pag-inom niini aron malikayan ang pagdako sa imong bilbil. Sumala sa mga nagtuon niini, ang pag-inom og usa ka botilyang soda kada adlaw mao ang hinungdan sa pagtubo sa imong waistline. Ang rason nga nagpaluyo niini mao ang taas nga gidaghanon sa sugar nga gamit sa soda mao ang makapatrigger kanato para mokaon og daghan bisan dili oras tingkaon.
2. Paggamit og dakong plato Kon dako nga plato ang imong gamit samtang gakaon, adunay posibilidad nga daghan imong makaon labaw pa sa gikinahanglan sa imong lawas nga mogiya sa dugang nga fats sa imong lawas. Aron kini malikayan, paggamit og gamay nga plato aron dili ka matintal sa pagkaon og daghan.
3. Pagpanihapon og dugay sa gabii Pagkaon og dugay sa gabii makapadako sa posibilidad nga motaas ang acid reflux ug indigestion diin mao ang rason nga modako ang imong bilbil. Sa paglikay niini, kaon og gamay sa gabii ug ayaw usa og katulog labing menos tulo ka oras human sa panihapon.
4. Pagkaon samtang naa sa kalagot ug kasubo Kon ikaw emosyonal samtang nagkaon, kini walay padulngan kon dili padakuon ang imong tiyan.
Ang labing maayo nga solusyon niini mao ang pag-inom og tubig sa kanunay, pakig-storya sa imong higala o mag- relax sa kaugalingon.
Pili-a ang mga aktibidad nga wala nalambigit og mga pagkaon aron dili mapun-an og extra calories ang imong lawas.
5. Pagpili sa low-fat nga mga pagkaon Ang ubang tawo nagtuo nga ang high-fat nga mga pagkaon ug mga ilimnon mas adunay dakong tsansa nga makapadako sa imong bilbil.
Apan ang tinuod niini, ang mononsaturated fats dili ikadaot sa imong lawas. Ang abokado, olive oil ug seed foods makatabang sa pagpagamay sa tiyan. Kanunay nga timan-i nga kon mas daghan ang sugar sa imong lawas, mas dako ang kahigayunan nga modaghan ang tambok nga matigom sa imong lawas.
6. Kanunay nga walay tulog Kon wala kay tarong nga tulog, motaas ang level sa imong cortisol (stress hormone) nga maoy hinungdan sa pagpangita nimo og matam-is nga mga pagkaon.
Tungod niini, mas maglisod na ka sa paglikay nga modako imong tiyan kon padayon ka nga dili matulog og sakto adlaw-adlaw.
7. Walay regular nga protein sa lawas Dapat adunay labing minos 20 hangtod 25 nga gramo sa protina ang imong kan-on aron sa pagsuporta sa imong lawas.
Ang protina makatabang sa pagkontrolar sa hormones nga maoy hinungdan aron modaghan ang imong kan-on.
Pili-a ang mga pagkaon nga taas sa protina sama sa cheese, shellfish, skinless chicken, isda, itlog ug pabo. (www.fitnea.com/Rachel Mae T. Recio, Mark Regie Abella ug Christiana Jude D. Bien, CNU Comm. Interns)