Tips aron moputi ang ilok

Di ba uwaw kaayo kon ang imong ilok itom ug makit-an sa lain? Mao nga karon pa lang, mas maayo kini ampingan aron kini malikayan. Ania ang nagkadaiyang tips aron sa pag-amping ug pagpaputi niini:

Unsaon pag-amping nga dili moitom ang ilok?

Likayi ang pag- shave niini, ilabi na kon ikaw wala pa nakaligo o sa adlaw nga motungha ang imong binuwang sakit. Ug kon ikaw gipaningot, ilabi na kon gikan ka sa pag-ehersisyo, maayong trapuhan nimo kini og limpyo nga towel sa di pa kini mouga diha sa imong ilok.

Kon ikaw mogamit og limonsito, usa kini ka natural nga pamaagi sa pagpaputi sa ilok.

Ania ang saktong paggamit: ihinay-hinay og pahid ang limonsito sa imong ilok ug pasagda-i kini og pipila ka mga minutos ug human niini mahimo na kining banlawan.

Sama sa limonsito, mahimo usab nga gamiton ang green papaya ug ang paggamit niini sama ra usab sa pamaagi sa limonsito.

Ang kolor sa imong ilok sama ra usab sa usa ka sikreto nga sa di madugay mahibaw-an ra. Mao nga mas maayo gyud nga wala kay gitaguan. Ampingi kini sama sa pag-amping nimo sa ubang parti sa imong lawas nga makita. Ganahan ka ba nga pirmi lang kini nimo taguan? O kaha magsul-ob pirme og jacket o long sleeves? Unsaon na lang ang mga okasyon diin kinahanglanon nimo ang pagsul-ob og revealing outfit? Dili ba mas maayo kon puti ang imong ilok?

Mao nga unsa pa man ang imong gipaabot? Buhata na kini! Danica Baloro Betoy - CNU Comm Intern / Jahzeel Ann B. San Juan - Masscom Intern