Denr 7 migamit og ‘geotagging’

Ang Department of Environment And Natural Resources (Denr) 7 nigamit og geotagging aron sa pagpalambo sa National greening Program (NGP) sa Central Visayas.

Matod ni DENR 7 Executive Director Isabelo Montejo, nga ang geotagging system maoy makapatakdo sa pagsibya.

Dugang ni Montejo nga sila mihukom sa paggamit sa geotagging aron pagpaspas sa pagbanabana sa mga nahimo sa kagamhanan nga nagtumong sa quota nga 1.5 ka milyon nga ektarya nga pagpabalik sa timberland o lasang gikan sa 2011 ngadto 2016.

Ang geotagging nagkoordinar ug uban pang mga impormasyon sa lugar, mga larawan ug videos diin niggamit og usa ka camera nga nasangkapan uban sa global positioning system o GPRS.

Siya niingon usab nga ang geotagging makatugot sa publiko nga mo- monitor sa paglambo sa NGP pinaagi sa DENR website.

Ang Department of Budget and Management nagkinahanglan sa pagsumite sa mga NGP reports nga gilakipan sa geotagged photographs sa dili pa mogawas ang 2014 budget alang sa programa.

Usa ka programa sa Aquino administration nga nagtinguha sa planong 1.5 billion trees sa tibuok nasod.

Sa miaging tuig, nikabat og 683,069 ka ektarya sa luna o 46 porsiyento sa 1.5 million ka ektarya nga target, ang natamnan og mga kahoy.

Sa Central Visayas, niabot sa 42,269.75 ka ektarya ang natamnan base sa December 2013 data.