Unsaon pag-ila sa mga samad nga adunay impeksyon

ANG samad adunay impeksyon kon:

• kini nagpula, naghubag, init kon hikapon, ug sakit;

• adunay nana;

• nagsugod na ang

kabahong

Ang impeksyon nidagan sa ubang bahin sa lawas kon:

• adunay hilanat;

• adunay pulang linya

sa ibabaw sa samad;

• ang mga panlog o lusay nibutod ug nigahi, ug sakit kon iduot Base sa libro nga “Sumbanan sa Kahimsog” sa Ramon Aboitiz Foundation Inc.-Integrated Development Unit (RAFIIDU), ang naghubag nga lusay o panlog luyo sa dunggan nagpaila nga a- dunay impeksyon sa ulo o bagolbagol, kasagaran tungod sa hubag ug kuto. Usahay sab ang dalap (German measles) maoy nakaingon niini.

Ang naghubag nga lusay ilawom sa dunggan o sa liog nagpasabot nga adunay TB o impeksyon sa dunggan, nawong o ulo.

Ang naghubag nga lusay sa ilok nagpasabot nga adunay impeksyon sa kamot, ulo o tutoy (usahay kanser sa tutoy).

Ang naghubag nga panlog sa bulog nagpasabot nga may impeksyon sa bitiis, tiil, sa may kinatawo, o sa lubot.

Ang naghubag nga lusay ilawom sa apapangig nagpasabot nga adunay impeksyon sa ngipon o tutonlan.