Lovi Poe ‘biktima’ sa video scandal?

KARONG Sabado, May 23, sa Karelasyon usa ka lahi nga sugilanon ang inyong masaksihan nga gikan sa tinuod nga hitabo.

Hatagan nig kinabuhi sa Kapuso stars Lovi Poe sa papel nga Marose, Benjamin Alves isip si Brando, ug Carl Guevarra isip si Leo.

Sama sa kadaghanan sa mga babaye, si Marose nangandoy usab nga makakita og lalaki nga andam siyang pakaslan ug makauban niya sa tibuok kinabuhi. Dinhi iyang nahimamat ang buotan niyang boyfriend nga si Leo.

Apan dihang giplano na nila ang ilang kasal, nibalik ang iyang kanhi hinigugmang si Brando nga gustong mosamok sa iyang kinabuhi. Gipugos siya ni Brando nga makigbalik niya ug dili na idayon ang kasal nila ni Leo.

Gihadlok siya ni Leo nga ibulgar ang ilang sex video kon dili siya mosunod sa iyang gusto. Unsay dapat buhaton ni Marose? Dapat ba siyang mosumbong sa mga pulis? Unsa kahay mahitabo kon mahibaw-an ning Leo? Madayon pa kaha ang gidamgong kasal ni Marose?

Ayaw palabya ang estorya ni Marose karong Sabado, nga isugilon ni Carla Abellana sa panulat ug direksiyon ni Zig Dulay, sa Karelasyon human sa Eat Bulaga sa GMA-7.