Bol-anong media giawhag moapil sa Bright Leaf

TAGBILARAN CITY – Dakong oportunidad sa Bol-anong media sa probinsya sa Bohol nga mapabuhagay ang tagsatagsang katakus sa natad sa paghatod og impormasyon sa kadaghanan.

Kini tungod sa paghatag og tsansa sa mga Bol-anong talent gumikan sa Bright Leaf Agriculture Journalism Awards nga gihimo sa kompanyang Philip Morris Incorporated.

Ika-10 na ka tuig nga naghatag og pasidungog ang nahisgutang kompanya sa mga sakop sa media gikan sa Luzon, Visayas ug Mindanao sa natad sa Agriculture Journalism.

Apan kini maoy labing unang higayon nga mibisita sa Bohol ug nakighimamat sa mga Bol-anong media aron sa paghatod sa maayong oportunidad niining nahisgutang pa- contest.

Ang mga kategorya sa 10th Bright Leaf Agriculture Journalism Awards mao ang: Agriculture Photo of the Year, Tobacco Photo of the Year, Tobacco Story of the Year, Agriculture Story of the Year.

Ubos sa kategoryang Agriculture Story of the Year mopili sila og Best Agriculture TV Program or Segment, Best Agriculture Radio Program or Segment, Best Agriculture News Story (National), Best Agriculture News Story (Regional), Best Agriculture Feature Story (National), Best Agriculture Feature Story (Regional), Oriental leaf Award.

Mokabat sa P50,000 ang mamahimong modaug, lakip na ang Asian trips, trophy ug gadgets.

Hangtod Septiyembre 21, 2016 ang katapusan nga pagpang-dawat sa entries.

Alang sa dugang detalye bisitaha ang www.therightleafawards.com.