Portmen No.1 human sa Doggy Cup elims

NAANGKON sa Portmen dribblers ni playing-coach Boodie Monteno ang unang pwesto sa Bracket A human sa ilang 87-61 nga kadaogan batok sa Alin Customs Brokerage sa 5-8 Division sa pagtapos sa elimination round sa 2nd BOC Doggy Cup basketball tournament kaniadtong Martes sa barangay Tinago gym, ning dakbayan.

Ang Portmen (5-0), gipangulohan ni Jay-R Tarrosa nga may 14 puntos samtang si Ronron Tan miamot og 10 puntos. Midugang og otso puntos si Monteno nga pulos gikan sa second quarter.

Samtang sa napukan nga kaatbang, ang team owner nga si Israel Alin maoy nangu sa iyang team (41) human moposa og 19 puntos uban sa tulo ka assists ug duha ka rebounds.

Gisundan siya ni Gerry Singson kinsa miamot og 15 puntos aron taposon ang elimination isip no. 2 seed sa ilang bracket.

Sa laing duwa, gipalagpot sa CEI Brokers ni Wiljun “Sugar” Camay ang Alas-Embrado Brokers nilang Orlando Bantoleno ug Jorwindo Embrado human sila makaeskapo sa ilang knockout match, 89-87, nga maoy usa sa labing sikit nga duwa sa maong torneyo.

Sa may nahabilin pa untang tres segundos duna pa untay kahigayonan nga modaog ang sa AlasEmbrado apan nasipyat ang ilang katapusang itsa.

Si Arvin Coson maoy nangu sa CEI sa iyang 20 puntos samtang laing duha ka teammates ang mibahug sab og double figures.

Ang CEI miabante sa sunod

round pinaagi sa ilang 3-2 nga baraha samtang ang Alas-Embrado mitapos sa elimination round nga mitali og 1-4 nga record. Puntos matag usa: First Game:

Portmen (87)- Tarrosa 14, Tan 10, Jordan 9, Monteno 8, Generalao 8, Taborada 6, Quilantang 6, Javier 6, Tacoy 6, Gabica 5, Oporto 4, Viodor 3, Legaspi 2

Alin Brokers (61)- Alin 19, Singson 15, Colegado 6, Manolong 5, Into 4, Lleve 3, Gamao 2, Quiros 2. Second Game:

CEI (89)- Coson 20, Dela Cerna 19, Mayla 17, Aniana 8, Villaronza 5, Laborte 5, Agpalo 5, Etorma 2

Alas-Embrado (87)- Saavedra 19, Arnoco 17, Montemayor 10, Diano 7, Zabate 6, Vega 4, Senarlo 4, Villarin 3, Nosagil 3.