Lapu, Talisay adunay bag-ong police chiefs
DIREKTOR sa kapulisan sa mga dakbayan sa Talisay ug Lapu-Lapu gipanghulipan na.
Usa ka kanhi sa Special Action Force (SAF) ug kanhi security aide ni kanhi Presidente Fidel V. Ramos maoy bag-ong direktor sa Lapu-Lapu City Police Office (LLCPO), PSSupt. Rommel Cabagnot.
Ang Bol-anon nga si Cabagnot nipasalig nga tutokan ang kahusay ug kalinaw sa dakbayan, ilabi na nga maoy nagunang mando sa bag-ong pamunoan ni Presidente Rodrigo Duterte nga gisuportahan ni Lapu-Lapu City Mayor Paz Radaza.
Mapasalamaton ang opisyal sa abag ni Radaza ngadto sa ilang buhatan ilabi na sa ilang mga nagunang panginahanglan gikan sa papel ngadto na sa gasolina alang sa ilang patrol vehicle.
Gitug-an ni Cabagnot nga usa ilang gihisgutan ni Radaza sa sunod nilang lakang alang niadtong mga ning-tahan nga drug personality, diin ang siyudad moabag niadtong buot nga magbag-o sa ilang kinabuhi sama sa livelihood program, group therapy ug community service.
“Amo silang ( surrenderee) i- classify base sa ilang need,” tipik sa pamanan hayag sa opisyal atol sa gipahigayong memorandum of understanding (MOU) tali sa mga sakop sa Association of Reporters in Mandaue and Lapu-Lapu in Truth and Excellence (Armalite).
Kapin na sa 1,400 ang mitahan nga drug personality sa Lapu-Lapu sa dihang gisugdan ang Tuktok Hangyo (Tokhang) ning buwan sa Hulyo.
Si Cabagnot kansang katapusang assignment sa wa pa madestino sa LLCPO isip Provincial Director sa Negros Oriental mihangop sa suporta sa administrasyong Duterte.
Sumala pa nga dili magpanuko ang mga pulis sa pagpatuman og mga operasyon sa dihang mipasalig ang nasudnong kagamhanan nga dili na lisudlisuron ang pulis nga mag-atubang og kaso.
Ang naasoyng hepe maoy bana sa GMA7 news reporter nga si Marisol Abdurahman diin aduna silay upat ka mga anak.
Samtang, hingpit nang nahulipan sa katungda- ang hepe sa Talisay City Police Ofice (TCPO) nga si Supt. Germano Mallari.
Ang nipuli kaniya mao si Supt. Aileen Recla.
Kagahapon, sila si Mallari ug Recla nagkuyog ngadto sa buhatan ni Mayor Eduardo Gullas uban ni Cebu Provincial Police Director (CCPO) Senior Supt. Jose Macanas ug didto gipahigayon ang turn-over of command.
Base sa kamandoan sa Police Regional Office si Supt. Recla nga gikan sa Cebu City Police Office (CCPO) nabalhin sa PRO 7 una pa sa CPPO.
Samtang si Mallari gibalik ngadto sa Bogo Police Station nga maoy iyang gipangulohan kaniadto sa wala pa siya mabalhin sa Talisay Police Station.
Si Mallari milingkod sa Talisay Police isip hepe sud sa kapin usa ka tuig.
Samtang, si Recla gikataho nga wala ra usab mosupak si Mayor Gullas tungod kay gawas graduwado kini sa University of the Visayas sa college of Law.