Foodpanda misaulog sa unang anibersaryo
NAGSAULOG ang Foodpanda sa unang anibersaryo niini sukad gilusad sa dakbayan sa Sugbo niadtong Hulyo sa miaging tuig.
Ang Foodpanda, usa ka website application nga nagtanyag og delivery service sa mga customer nga gusto magpadeliver og pagkaon gikan sa mga nag-unang food chain o kan-anan sa Metro Cebu.
Pinaagi sa pag-log in sa www.foodpanda.ph o pag-download sa application sa google play, makahimo ka mag-order sa imong paborito nga mga pagkaon diin P30 lang ang delivery charge sa bisan asa sa Metro Cebu.
Gilusad kini sa Cebu City niadtong Hulyo 24, 2015 ug sa Mactan, Lapu-Lapu City niadtong Abril 2, 2016.
Ang mga lokal ug turista makapili ug makaenjoy sa ilang mga paborito nga pagkaon nga i-deliver ngadto nila gikan sa Jollibee, Dimsum Break, Chikaan, Golden Cowrie, Orange Brutus, Meximama, Balamban Liempo, Cebu’s Original Lechon Belly, Dunkin Donuts, Ice Castle, Manggahan, Big Flat Bread, Cafe de France ug uban pa.
Si Mitz Jao, marketing manager sa Foodpanda, niingon nga tumong nila nga makahatod og pagkaon ngadto sa mga customer sud sa 45 minutos tungod kay ang ubang kan-anan way libre nga delivery.
Ang Foodpanda modawat og cash nga bayad inig abot sa rider nga maghatod sa gipa-deliver nga pagkaon o credit card.
Isip pagsaulog sa ilang unang anibersaryo, ang Foodpanda nakigtambayayong sa KIA sa paghimo og Panda Picanto Car.
Pinaagi niini, ang mga suki sa Foodpanda adunay libre nga sakay gikan sa Ayala extension area sugod alas 10 sa buntag hangtod alas 12 sa udto ug alas 2 sa hapon hangtod alas 5 sa hapon, Lunes, Miyerkules ug Biyernes ug ang drop off kay sa The Walk sa IT Park, siyudad sa Sugbo.
Kinahanglan lang nga mopakita og Foodpanda application ang usa ka tawo nga gusto sa libreng sakay.
“Foodpanda aims to connect customers to a wide range of restaurants and food brands and ultimately provide a convenient and enjoyable,” matod ni Iacopo Rovere, co-founder sa Foodpanda Philippines.
Ang Foodpanda, nagbase sa Berlin, Germany ug nag-operate sa 24 ka mga nasod sama sa Philippines, India, Pakistan, Thailand, Brazil, Malaysia ug Singapore.