Maorag manintal

Dear Papa Joe,

Tawga lang ko sa ngalan nga Kanor, 40 anyos kapin. Naa koy kaipon sulod na sa 10 ka mga tuig. Wala mi makasal kay kasado siya ug naa sad siyag babaye nga anak nga 17 anyos.

Tarong ko nga pagkabana ug pagka amahan. Kining anak sa akong kapuyo paraygon na kaayo ni nako sukad pa sa bata pa siya mao nga suod kaayo mi. Okay ra sa akong asawa. Pero lately lahi na ang gipakita aning labok diri nako kay naay mga panahon sa makadaghang higayon nga di ni manirado sa iyang kwarto. So, akong siradan. Inig aksyon nako og sira makita nako nga magduwa siya sa iyang kaugalingon, dili lang kay ka usa, kon di sa makadaghang higayon nga mura ba og tuyuon niya.

Mao ni akong suliran ron kay tawo ra baya ko. Basin di Kanor,

Tinuod tawo ra ta ug sa edad nimo, lagsik pa kaayo ka. Siguro na- develop into something iyang pagtratar nimo. Iutang ta lang nga mao ni kay basin nipatigbabaw sa ang iyang tawhanon nga pamati kay naa moy attraction tungod kay di mo kadugo.

Kon tinuod ka sa imong gugma sa imong asawa karon, lig-unon nimo ang imong kaugalingon nga di matintal. Hunahunaa sab nga suod mo dihang bata pa kaayo siya. So, buhata nga anak nimo siya. Pasabton nimo siya sa matuod nga sitwasyon kay kon sakyan ninyo ang higayon, daghan ang madaot ana. Ang imong relasyon sa imong asawa, relasyon sa asawa nimo ug iyang anak, sa mga mga kaila ninyo, imong dungog sa katawhan ug ang imong kaugamaon.

Sa balaudnong aspeto kay menor, makasuhan ka ana kon imong patulan. Busa huna-hunaa.