Mga abogado sa Cebu nga moduwa og chess

SA unang semana nagsuwat ko sa mga engineers sa Cebu nga moduwa og chess. Karon ,ubay-ubay sab diay ang mga abogado. Ako sab na obserbahan nga kadaghanan sa mga abogado maayo moduwa.

Ang atong pinalangga kaayo nga mayor sa una nga si Mike Rama ug Alvin Garcia mga maayo moduwa. Honorary members ni sila sa atong club Cepca. Kung naa gani mi induction of officers o bag-ong miyembro, sila si Mike ug Alvin ang mag induct sa una. Si Enrique Rama, nga ig-agaw ni Mayor Mike maoy primerong inducting officer sa pagsugod sa among club kay bise-gobernador siya ni Lito Osmena sa una. Niapil siya sa tournament.

Ang akong nahibaw-an, si Tomas Osmena dili moduwa og chess pero maayo moduwa og poker. Magkita mi pirme sa una sa Diamond Poker Club.

Ang igsoon sab ni Alvin nga chairman sa Sun.Star ug DOTC secretary sa una sa time ni Ramos nga si Sonny Garcia moduwa sab. Nakahinumdum ko sa una nga nag publish ang Sun.

Star og libro nga ang author si NM Ben Macapaz. Kaming Sonny ug Ben classmates sa San Carlos Boys high.

Ang usa ka mga founders sa Cepca nga si Alex Tolentino maoy nisunod nako pagka presidente sa club. Former president sab ni siya sa Integrated Bar of the Phippines,Cebu Chapter ug department manager sad sa MCWD.

Si City councilor Sisinio “Bebs” Andales nga usa sa mga sayo namiyembro og maayo sab moduwa. Ang igsoon ni Bebs nga abogado si Eleno miyembro sab sa club. Morag tua na ni si Eleno sa Amerika. Si Joey Daluz ug NBI Hermie Monsanto.

Ang mga sayo pud nagpamiyembro mao si Damaso Uy,,nga active sab sa una ug tua na sab sa gawas. Si Ed Areno sa NPC ug Manny Iway nga regional director sa LTO.

Ilado kaayo ni siya sa una sa media kay popular nga broadcaster ug usa sa mga kritiko ni Marcos mao si kanhi Migs Enriquez. Ang manager pud sa Housing and Regulatory Board mao si kanhing Gonzalo “Boy” Tumulak.

Ang mga dagkong ranggo sa gobyerno mao sab sila Lorenzo Zafico sa Central bank, City and provincial prosecutors Joe Lawas,Venice Balansaf, Richard Abangan, Jongjong Melendez, Ed Kangleon sa Ombudsman ug Pepe Gador sa Comelec .Daghan sab mga huwes nga sige gihapog duwa - Judges Ireneo Lee Gako, NM Rosendo Bandal sa Dumaguete, akong pagumankon Gilbert Moises, Gerardo Gestopa ug Soliver Peras. Ang atong mga abogado og CPA sad sila Tomas Riveral, Rhenier Mora og Jessican Cagara.

Godofredo Parawan Jr., Delon Urot, Benison Harayo, Jason Genobiagon,Gay Capangpangan ,James Hupp og Allan cardenas maayo sad mangdua.

Si Ed Mayol ra tingali ang abogado ug geodetic engineer sab.