Batang Gilas sud sa quarterfinals

GIPAHIMUNGTAN sa Batang Gilas ang India, 10582, aron makabawi gikan sa masakit nilang kapilidihan ug sa samang higayon makalangkat og luna alang sa quarterfinals sa 2016 FIBA Asia Under-18 Championships niadtong Miyerkules sa gabii didto sa Tehran, Iran.

Lab-as pa sa ilang panumdoman ang 71-74, nga kaparutan sa mga kamot sa Thailand, ang Pilipinas mitapos sa ilang group assignments nga may 23 puntos nga daog nga maoy nahimo nilang yawe nga makalingkod sa ikatulong dapit sa Group A.

Ang skipper nga si Jolo Mendoza adunay 23 puntos lakip na niini ang lima ka three-point shot samtang midugang si Kemark Carino ug 14 puntos ug unom ka rebounds.

Ang mga batan-ong Pinoy sayong mipaulbo og 17-5 nga labaw sa first quarter ug wala na gyud ni molingi pa hangtod nga nakaposte kini og 26 puntos nga bintaha.

Gitapos sa Gilas ang Group A round sa 2-3 nga baraha ug ilang ikasangka ang South Korea, ang second seed sa Group B, sa quarterfinals karong adlawa.

Ilogan ning maong torneyo ang tulo ka spots alang sa 2017 FIBA Under-19 World Championship nga ipahigayon sa Egypt.

Mga puntos: Philippines (105) — Mendoza 23, Carino 14, Yu 12, Mamuyac 12, Sinclair 9, Lee 9, Tibayan 7, Gallego 7, Pagsanjan 5, Bahio 4, Madrigal 2, Flores 1. India (82) — Arthur Wilson 16, Gupta 11, Sahil 11, Mohammed Ali 10, Noushad 9, Poyamozh 8, Rachit 6, Ragupathy 5, Hansradj 2, Sayyed 2, Deepak 2.

(RAPPLER.COM) GISILOTAN. Dili makaduwa ang usa sa sinaligan sa Alaska Aces nga si Calvin Abueva karong gabii human gisuspenso kini sa PBA commissioner’s office og usa ka duwa tungod sa iyang pagsiko ni Chris Ellis sa Ginebra niadtong Domiinggo.