Tungod sa akong gugma sa boxing: Pacquiao

DILI tungod sa kuwarta kon dili tungod sa iyang gugma ug kamingaw sa sport nga nakapahimo kaniya nga usa ka inilang atleta sa tibuok kalibutan maoy hinungdan kon nganong moaway siya og balik ibabaw sa ring.

Kini maoy gipadayag ni Pacquiao kinsa miretiro na niadtong Abril human sa iyang unanimous nga kadaugan batok ni Timothy Bradley, usa ka buwan sa wa pa sab siya modaog sa piniliay niadtong Mayo.

Tulo pa gani ka buwan gikan sa iyang pagretiro, mitumaw ang iyang mga hugonhugon sa iyang pagbalik ug gani ang iyang promoter nga si Bob Arum sa Top Rank ang mipareserba sa Thomas & Mack Center sa Las Vegas sa Nobiyembre 5 alang sa away ni Pacquiao.

Hinuon wa pa mahibaw-i kon kinsa gyud ang iyang makontra.

“Hindi ko naman sinasabi na final na,” padayag ni Pacquiao kalabot sa maong away. “Sinabi ko na hindi ko pa nakausap si Bob Arum.”

Apan giangkon ni Pacquiao kinsa mitan-aw sa duwa sa Mahindra Enforcer nga mipakaging sa defending champion San Miguel Beer sa PBA Governor’s Cup niadtong Miyerkules sa gabii, nga gimingaw gyuud siya og boxing.

“Boxing is my passion. Diyan talaga ako lumaki at hilig ko talaga ‘yan. Nami-miss ko ‘yung boxing. Pangalawa, karangalan ko na nagbibigay ako ng honor sa ating bansa.”

Gipasabot ni Pacquiao nga ang boxing iya usab kini nga profession ug dinhi siya nakakita og kuwarta aron isuporta sa iyang pamilya.

“Sa pagse-serbisyo ko, wala naman akong balak na mag-nakaw o ano,” ingon niya. “In fact, sarili kong pera ang ginagastos ko para makatulong ako sa kababayan nating naghihirap.”

“Ayaw kong maapektuhan ‘yung pagta-trabaho ko, pagse-serbisyo ko sa taong bayan,” dugang niya. “For the meantime, kumikita ako ng para sa pamilya ko, at ayaw kong gamitin na livelihood ‘yung pagse-serbisyo ko sa government.”

“I believe that government is public service, not personal business.”

Dugang ni Pacquiao nga dili lang ka usa ra ang hinungdan kon nganong moaway siya og balik.

Iya usab nga namingawan nga sa higayon atoa siya ibabaw sa ring makita niya nga iwarawara ang bandila sa nasod, ug ingon man iyang mabati ang tanang suporta sa mga tawo nga maoy naghatag kaniya og lahi nga pagbati.

“Parang nalulungkot ako na… minsan, pag lumalaban ka sa taas ng ring, winawagayway mo ang bandila ng Pilipinas, tapos lahat ng tao nakasuporta sa ‘yo, iba ‘yung pakiramdam.”

Apan iyang giklaro nga dili makaapekto ang iyang away sa iyang obligasyon isip usa ka senador ug gani gusto niya nga anha lang duol sa Senado ang iyang training nga iyang himuon sa dili pa ug sa mahuman na ang matag sessions.

“I just want to make sure na ‘yung bakasyon ng session, matapat doon (‘yung fight), so October hanggang November,” panapos sa pambansang kamao.