Babaye padung kaslon gidakop sa mga pulis
USA ka babaye nga taga Ghana, Africa ang gidakop sa kapulisan tungod sa kaso nga immigration fraud offences dihang padung na unta siya kaslon ngadto sa Portsmouth, United Kingdom.
Si Cecilia Siaw, 45, nagsuot og bestida pangkasal ug may mga alahas kay padung na unta magpakasal ngadto sa iyang German nga uyab apan miabot ang kapulisan ug gidakop siya unya gidala sa Portsmouth Register Office, matod sa report sa Mirror News.
Si Siaw gikatahong mipalit og identity document’ sa wa mailhing lalaki sud sa train nga nakarehistro sa usa ka Indiano sa kantidad nga 5,000 ka dolyares.
“At interview she claimed she bought the document from a man on a train in circumstances which must have alerted her to the document being either false or improperly obtained,” asoy sa prosecutor nga si James Kellam nga Mirror News.
Matod ni Siaw nga miingon ang lalaki nga iyang napalitan sa peke nga dokumento nga nag- trabaho siya sa Home Office sa Portsmouth.
Si Siaw, usa ka kwalipikado nga maestra, mitungtong sa UK niadtong 2009 apan wa na siya tugti sa Home Office nga magdugay og puyo hangtod sa tuig 2013.
Paambit ni Oscar Vincent agig pagdapig ngadto kang Siaw nga: “She was arrested in her wedding dress immediately before the ceremony. This is a lady who on completion of her studies in 2011 genuinely has made a contribution to the UK.”
Apan matod ni Judge Roger Hetherington nga wa na siyay laing mabuhat kun di ang pagpadakop kang Siaw.