Mrs. George Clooney mabdos na?

ANG sikat nga British-Lebanese lawyer nga si Amal Alamuddin-Clooney ang gikatahong nagsabak sa una nilang liwat sa iyang banang actor nga si George Clooney.

Giingong dili buot sa 38 anyos nga Human Rights nga abogada nga i-anunsiyo sa publiko ang maong kalambuan sa dili pa mag-tulo ka buwan ang iyang pagmabdos, taho nga gikutlo sa National Enquirer.

“Amal is over the moon with joy!” saysay sa tinubdan nga suod sa celebrity couple.

Nasayran nga naminyo ang abogada ngadto sa actor niadtong September 27, 2014 didto sa Venice, Italy ug duha ka adlaw sa wa pa ang maong petsa usa ka star-studded pre-wedding celebration ang gipahigayon.