KADTONG ULAN

Ang esena 1963. Ang gigikanan sa daklit nga paghandom Kapin sa tunga sa siglo ang milabay.

Naglakaw ako niadto sa “Jones Avenue” Kuyog sa suod kong higala nga usa ka Mananambal nga karon atua na mag-base sa Amerika.

Samtang nagpadayon kami paglakaw Kalit mibundak ang makusog nga ulan. Ang mga tawo mialibwag panagan aron Mangitag kapasilungan.

Apan among gisum-ok ug gisungasong Ang ulan kay alang namo ang mga lusok Sa ulan maoy mga kwerdas nga naghambin Og huni sa wagas nga pagbati ug ang hinaganas Niini tulunggon nga miduyog sa awit.

Ning bag-o sa iyang pagduaw sa Sugbo Midalikyat siya nakog pangutana: “Eddie Boy, wa ka ba malimot niadtong Ulan nga atong gisungasong?” “Wala, Junne Boy. Gani nagsulat kog balak Niadto,” tubag ko.

(Sa panaghigalaay diin ang pag-ila sa Usag-usa dulot sa kasingkasing, ang daklit Nga paghandom nagsapnay og pahiyom.)