Pagpaubos sa edad sa bata sa krimen sayop
(PART III)
Ang gisugyot nga balaodnon miingon nga sa edad nga 9 anyos, ang bata dili na kinahanglan nga i-pamper ug sila nakahibalo na sa kalainan sa husto ug sayop (discernment). Kini kalapasan sa internasyonal nga sumbanan sa katungod sa mga bata ug sa juvenile justice.
Ang mga panukiduki nga gihimo sa Estados Unidos nagpakita nga ang utok sa tawo wala pa bug-os nga naugmad sa pasilidad nga may kalabotan sa pagdumala sa pagkamakaliton, paghukom, pagplano alang sa umaabot, panglantaw sa sangpotanan, ug sa uban pang kinaiya sa mga tawo nga maingong nakasabot na sa kalainan sa husto ug sayop bisan pa kung 20 anyos na. (Cruel and Unusual Punishment: The Juvenile Death Penalty Adolescence, Brain Development and Legal Culpability nga gipublikar sa Juvenile Justice Center sa American Bar Association, mabasa onlayn sa: http://www. abanet.org/ crimjust/juvjus/Adolescence.pdf (gibisita Hulyo 8, 2016).
Usa usab ka pagtuon sa Ateneo Human Rights Center nagpakita nga ang MACR angayang ibase sa emosyonal, mental ug intelektwal nga pagkahamtong sa bata, ug nga walay eksepsyon sa MACR, pananglitan, dili kini pwedeng paubsan alang sa pipila ka kaso, sama sa sitwasyon diin ang krimen nga gipasingalan seryoso. (“In Defense of the Juvenile Justice and Welfare Act of 2006” by Atty. Nina Patricia Sison-Arroyo 56 ATENEO L.J. 881 (2012))
‘Beyond Innocence’, usa ka pagtuon niadtong 1997 sa Pamantasan ng Lungsod ng Maynila nga gikomisyon sa Council for the Welfare of Children, miestablisar nga ang edad sa discernment sa mga batang Pilipino naa sa 15 anyos. May mga bata nga bata pa lamang kayo, may discernment na, labi na kadtong bulahan nga may maayong pamilya ug taas nga edukasyon sa banay. Apan kadtong mga bata nga dili sama ka-swerte mahimong ang discernment tua na lapas sa 18 anyos.
Binase sa HB No. 2, aduna pay panginahanglan nga i-determinar ang discernment sa bata labaw sa 9 apan ubos sa 18 anyos. Daghang mga social worker ang gikinahanglan, ug karon gali naglisod nga 15-18 anyos ra ang iagi og discernment. Unsa na kaha kon paubsan pa sa 9?
(Sumpayan)