Wa motahan sa pulis, patay
NAMATAY ang usa ka gikatahapang drug pusher human nagdumili pagtahan sa kapulisan niadtong Huwebes sa gabii sa lungsod sa San Remigio.
Ang suspek mao si Francisco Pontay, 48, residente sa Brgy. Hagnaya sa mao nga lungsod.
Base sa imbestigasyon sa kapulisan nga atol sa Operation Tokhang nila sa panimalay niini alas 9:00 sa gabii sa maong adlaw, nagdumili kini pagtahan.
Pinaagi sa buy bust operation, nagkompirmar sa kapulisan ang kalambigitan niini sa ilegal nga drugas.
Human niuna og kuha sa iyang armas si Pontay, daling nakapabuto ang operatiba kaniya hinungdan sa iyang kamatayon.
Daling gidala sa Bogo City District Hospital si Pontay apan gideklarar kini nga dead on arrival.
Nakuha sa crime scene ang P200 nga buy bust money, .38 kalibre nga revolver nga gamit niini sa pagpamusil ug upat ka mga bala.