Trapik sa Minglanilla gipaabot moluag

TUMONG sa lokal nga kagamhanan sa lungsod sa Minglanilla ug sa pribado nga sektor nga maminusan ang kahuot sa trapiko sa maong lugar atol sa pagbukas na sa bag-ong commercial center sa lungsod.

Ang Spark Commercial Center sa Poblacion Ward 1 sa downtown Minglanilla hingpit nang gibuksan sa publiko.

Kagahapon, usa ka seremonyas sa ribbon-cutting ang gihimo inubanan sa presidente sa Primary Properties Corporation William Christopher Liu Jr., ang ka-partner sa lokal nga kagamhanan sa pagtukod sa maong edipisyo.

Inubanan kini sa mayor sa maong lungsod nga si Elanito Peña, Provincial Board Member sa 5th district nga si Miguel Antonio Magpale ug ni Presidential Assistant for the Visayas Michael Dino.

Matod ni Liu nga usa ning trapik nga ilang gitan-aw nga maminusan sa pagbukas sa mga establisemento sa downtown duol sa merkado sa lungsod.

Aduna’y duha ka andana ang maong edipisyo ug roofdeck ug gilapdon nga 5,818 square meters.

Ang sikat nga designer nga si Kenneth Cobonpue mao ang nag-desinyo sa maong proyekto diin ubos kini sa PrivatePublic Partnership.

Ang commercial center, parte kini sa tulo ka ektarya nga pagpalambo sa PPC ug Minglanilla sulod sa lima ka tuig nga planong mohimo og commercial establishments, state-ofthemedical tourism facilities, education ug skills training institution, BPO ug uban pa.

Matod ni Liu nga tumong nila nga mamahimong hunonganan sa mga mobisita sa habagatan ang Spark Commercial Center aron pagpalit sa mga lapad nga baligya nga lokal nga produkto.

Usa sa tumong usab nila nga pag-promote sa “One Town, One Product” nga programa inubanan sa Cebu Provincial Agriculture.

Butangan usab kini og buhatan alang sa ahensiya sa gobyerno ug lakip na usab kini sa itinerary sa Suroy-Suroy Sugbo nga proyekto sa probinsiya sa Sugbo kabahin sa turismo.