That Thing Called Tanga Na
MAY part two kaha ang natsuging love affair nila ni Erik Santos ug Angeline Quinto karon nga mag-uban sila sa usa ka concert tour gawas sa nasud?
Apan matud sa babaye nga friends ra sila ug lisod pang sudlan ang romantic nga angle.
Super bongga sab ang dagan sa career sa dalaga kay kon wala man sa iyang kinabuhi karon ang Eric, may upat ka guys ang mihulip niini.
Sila si Eric Quizon, Billy Crawford, Martin Escudero ug Kean Cipriano ang kauban karon ni Angge sa pelikulang "That Thng Called Tanga Na" sa Regal Films sa direksyon ni Joel Lamangan.
Super alegre ang pelikula nga ang tema gugma sa tanang klase nga higayon. Daghan ang makarelate sa istorya nga buhaton lang gyud nimo ang tanan tungod sa gugma.
Hangtud nga ang utlanan magpaka-tanga na lang ang tawo tungod sa gugma, ug dinhi nituyok ang sugilanon sa atong mga bida. Nagkadaiyang klase sa relasyon ang masudlan sa usag-usa ug daghang matang sa problema ang motumaw.
Usa ra ang punto nga gustong ipaabot sa pelikula nga kon gugma na ang hisgutan parehas ra ang tanan maski unsa pay imong gender.
Sa gugma man gud wala nay bright o adunahan kay makalimtan na ang tanan, maora ba og mabogo na ka nga sa laktud nga pagkasulti tanga na sa love.
Karong Agosto ayaw sipyata ang pelikula sa Regal Films, ang "That thing called tanga na" nga sa title pa lang riot na ang dating di vah, ay'g saba!