75 sub-projects gitunol sa Loon
MOKABAT sa 75 ka sub-projects ang gitunol sa 67 ka barangays sa lungsod sa Loon, Bohol atol sa miaging municipal-wide turnover, blessing ug inauguration.
Ang lungsod sa Loon nakadawat og total grant nga P33,481,578 alang sa ilang sub-projects nga naglakip sa 25 Day Care Centers, 10 water systems, 25 access roads ug 8 multi-purpose buildings.
Sumala ni Renato Barace, Barangay SubProject Management Committee (BSPMC) Chairperson sa Barangay Cantamukan, “Nabag-ohan sa sistema, kay sa una naanad lang nga ang mga opisyal ra ang madunggan. Pero sa Kalahi-CIDSS ang kinaubsan madunggan na.”
Ang Loon giila ubos sa 177 category. Kini nga kategoriya gikan sa total number sa lungsod bisan dili kabus apan grabeng pagkaigo sa super bagyong Yolanda ug kusog nga linog niadtong 2013.
Ang mga lungsod ubos sa kategoriya gihatagan og 1 cycle/year sa pagpatuman.
“As we continue to help rehabilitate the towns devastated by the 7.2 magnitude earthquake through our various programs and services in DSWD, we appreciate the community camaraderie in successfully implementing the identified sub-projects,” matod ni Regional Director Ma. Evelyn Macapobre.
“I know the process was not that easy but despite all the challenges, I also know that it’s all worth it,” dugangni Macapobre.
Ang Kalahi-CIDSS, usa ka poverty alleviation programs sa Philippine Government nga gipatuman sa Department of Social Welfare and Development (DSWD).
Nigamit kini sa community-driven development (CDD) approach, usa ka globally recognized strategy sa pagkab-ot sa serbisyo, pagpaminos sa kakabus ug maayong kagamhanan.
Ang tumong sa pagpalambo sa KalahiCIDSS mao ang paghimo sa barangays/communities sa targeted municipalities nga dunay gahom pagangon gikan sa kalisnan.