8 ka mga butang nga angay himuon sa pagbuhi og iro

NASAYOD ka ba nga adunay balaod sa atong nasud nga nanalipod sa tanang kahayopan? Matod sa Republic Act 8485, kinahanglan protektahan ug ipausbaw ang kaayohan sa kahayopan. Tungod sa daghang kaso sa mga saag nga iro sa kadalanan, gihingusgan sa gipasiugda sa Cebu Federation of Beat Journalists (CFBJ) ug Cebu City Department of Veterinary Medicine & Fisheries (DVMF) kauban ang World Animal Protection ang paghatag og mga kasayoran alang sa pagbuhi og sakto sa mga iro. Ania ang 8 ka mga pamaagi aron matagaan og maayong kinabuhi atong mga binuhing iro. 1. Edukasyon – Ang pag-edukar kabahin sa mga iro importante aron mahibaw- an nato kon unsa ang sakto nga pagtagad ug pamatasan nato ngadto sa mga binuhing iro.

2. Kontrolahon ang pagpanganak– Kini importante aron atong mahibaw-an ang responsableng pagpadaghan sa mga iro ug maminosan ang mga maabandonar nila.

3. Bakuna – Ang pagbakuna ug paghatag og mga tambal aron makalikay sa mga sakit ang mga iro ug mga tawo.

4. Balaud – Pinaagi sa ordinansa, maprotektahan ang mga katungod sa iro nga naa sa balaod

5. Mga sentrong kapuy-an sa iro – Kini importante aron mahatagan og maayong pag-atiman ug matagaan og temporaryo nga kapuy an ang mga iro

6. Pagpakoral – Mas maayong ma control ang mga binuhing iro sama sa pagbutang og mga kural sa kabalayan aron di sila makagawas ug mangita og pagkaon ug masaag sa laing lugar.

7. Iparehistro– Aron masubay dayon kon kinsa ang tag iya sa mga iro kon masaag kini.

8. Euthanasia nga paagi sa pagpatay – Kini ipahigayon lamang kon wa nay laing kapilian nga mahimo aron matiwas na ang pag-antos nga gibati sa iro. Jay B. Santiago CIT – U Comm Intern