Unsaon pagbayad, pagpaminos sa bayranan sa credit card

BISAN unsa ang imong financial goals ug mga damgo, ang pagbayad sa taas og interest sa credit card usa sa unang lakang sa hustong tumong. Niay pipila ka tips ug mga pamaagi kon unsaon kini.

Tapuka ang tanang mga impormasyon sa imong credit card. Tan-awa ang imong balanse, interest rate, dute date, minimum nga bayranan sa matag card. Tan-awa kon unsa kini ka bati.

1. Unaha og bayad ang dako og interest nga credit card. Ipauwahi ang ubos og interest rate. Kon maimpas na ang card nga taas og rate, isunod ang ikaduha nga ubos niini. Ang pagdoble o pag-triple sa imong pagbayad sa minimum dako og matabang.

2. Unaha ang dunay labing ubos og balanse kun nahabilin nga bayranan. Mas sayon ang pagbayad sa gamay na lang nga balanse kay sa niadtong dako pa ang nahabilin.

3. Mahimong tipunon mo ang imong loan sa usa ka credit card kay sa magbayad ka og upat o lima matag buwan. Hiusaha ang imong utang aron mas sayon kini kay usa na lang ang imong bayran.

4. Kontrolaha ang imong paggasto gamit ang credit card. Magkalisod ang imong pagbayad sa credit card kon magkadako kini matag buwan.