40 ka kutsilyo gikaon sa lalake, gioperahan

USA ka lalaki miagi og surgery sa Amritsar, Punjab tungod sa grabe nga kasakit sa iyang tiyan, matod sa taho sa CNN.

Nakugang ang doktor nga si Jatinder Malhotra tungod sa 40 ka kutsilyo nga nakit-an sa gihimo nga CT scan.

“In my 20 years of practice, I have never seen anything like it. He had a wild urge to consume metal. Even for us, the experienced surgeons, it was frightening,” matod sa doktor.

Wa gihinganlan ang lalaki alang sa iyang proteksyon ug iyang giangkon nga “guilty pleasure” niya ang pagkaon og mga kutsilyo.

“I don’t know why I used to swallow knives,” matod niya.

Nilungtad ang operasyon og duha ka adlaw ug giplanohan sa mga doktor ang sunod nilang buhaton.

Nakuha nila ang mga kutsilyo nga tayaon ug buak na.

Gisaad sa lalaki nga di na siya mokaon balik og kutsilyo.

Sa panahon nga maayo na gikan sa operasyon ang lalaki, siguruhon usab sa mga doktor nga moagi siya og mental check up.

(REUTER) KUTSILYO. Mao kini ang mga kutsilyo nga nakuha sa mga doktor sa tiyan sa usa ka lalake human sa operasyon.