Tawo nakit-an nga sama sa mananap
USA ka misteryoso nga di maila nga hayop ang nakit-an nga naglakaw sa usa ka disyerto sa Europa.
Makita sa video clip nga ang linalang adunay gitas-on nga unom ka tiil ug naglakaw nga nagbako ug adunay tagas nga kamot ug paresan nga tiil.
Ang video gidebatehan sa social media diin may nitumbok nga peke kini samtang ang uban nakigbisog sa pagpasabot nga kini usa ka dayo.
Sa mubo nga video clip, ang higante nga linalang nakit-an nga kini naghinay sa paglakaw lahos sa makapaso nga talan-awon.
Aron mapamatuod ang ana sa video, gipakita sa camera ang uban pa nga parte sa disyerto nga adunay kalanggaman ug nakaparada nga sakyanan.
Sa pagbalik sa camera, ang linalang kalit lang nga nawagtang likod sa mga libon ug wa na magpakita og balik.
Ang footage unang gi- post sa online sa niagi nga buwan ug nakakuha og 200,000 ka views.
Adunay pipila nga nituo nga kini Chupacabra ug aduna say nitumbok nga kaamgid sa Big Foot.
Ang “El Chupacabra” nagsugod sa Latin America diin nakit-an sa mga mag-uuma ang ilang mga kanding nga patay na ug naawasan sa ilang mga dugo.
Apan aduna say mga viewer nga niingon nga ang video di tinuod ug kini “animated” lang.