ABS-CBN executives napili nga Most Influential Women sa FWN
GIPASIDUNGGAN silang ABSCBN Corporation chief operating officer of Broadcast Cory V. Vidanes ug ABS-CBN chief operating officer of Star Creatives Malou N. Santos isip duha sa Most Influential Filipina Women in the World (Global FWN100™) sa Filipina Women’s Network.
Nahitabo ang awarding sa miaging semana (Aug. 21-24, 2016) sa Shangri-La Mactan, Cebu.
Ang Global FWN100 Award usa ka pasidungog nga gihatag ngadto sa 100 ka mga kababayen-an sa Pilipinas nga nakatampo og dako sa kalamboan sa katilingban (global workplace).
Si Vidanes napili sa BUILDERS category. Ang maong award gihatag sa babayeng Pilipino nga nagpakita og talagsaong impluwensya sa usa ka dakong kumpanya, pinaagi sa paggamit sa iyang talento ug katakos alang sa kalambuan ma-pribado man o pampublikong sektor.
Samtang si Santos napili ubos sa kategoryang FOUNDER ug PIONEER award category. Sigon sa FWN, ang maong award gihatag sa mga babayeng Pilipino nga presidente o lider sa ilang kumpanya o community organization, non-profit o bisan unsang negosyo nga ilang gisugdan ug gipadako.
Silang Santos ug Vidanes napili base sa ilang posisyon sa organisasyon, impluwensya sa sektor ug uban pa nilang mga katungdanan nga gihuptan.