Voice Kids winner unsay buhaton sa cash prize?

SI Joshua Oliveros ang gideklarar nga ikatulong grand winner sa "The Voice Kids" niadtong Dominggo atol sa grand finals nila sa Resorts World Manila.

Matod ni Oliveros nga iyang taguon una ang cash prize niyang P2 million samtang ang house and lot ug uban pang premyo iyang ihatag sa pamilya.

Sa interview sa ABS-CBN News, ang 12-anyos sa Antique nakahilak sa tumang kalipay.

“Wala na po [akong ibang naisip nung tinawag 'yung pangalan ko]. Basta masaya lang po ako. Sa sobrang tuwa ko po, napaluhod pa po ako,” padayag ni Oliveros.

“Masaya po ako dahil po ako po yung nakatanggap ng bahay, ng pera at ng trophy po. Malaking tulong po ito sa amin. Tutulungan ko po yung pamilya ko.”

Ang mama ni Oliveros nga nisaka dayon sa stage human gianunsyo ang pangan sa iyang anak, nibutyag nga

iyang gamiton ang kwarta sa pagpa-eskwela ni Joshua ug sa iyang mga igsuon.

Si Oliveros ang kinamanghuran sa lima ka magsuon nga puros pa nagtungha. “Para sa kanila lahat 'yun. Iipunin ko lahat para sa pag-aaral nila,” matod sa inahan.

Dugang sa mama nga mobalhin sila og puyo sa Manila sa pamasin nga duna pa’y oportunidad nga moabot sa iyang anak human sa kadaugan.

“Sobrang galing po ni ma'am Lea. Maraming maraming salamat po dahil tinulungan niya yung anak ko. Lahat ginawa niya kaya nakapasok siya sa finals.”

Si Oliveros nakakuha og 38.07 percent of votes, gisundan ni Antonetthe Tismo of Team Sharon nga dunay 36.69% ug Justin Alva of Team Bamboo nga dunay 25.24%.

Si Oliveros ang unang lalaki nga nidaug sa “The Voice Kids” human nilang Lyca Gairanod sa Season 1 ug Elha Nympha sa Season 2.