CEI Brokers hari sa BOC Doggy Cup

MISUMBALIK dayon ang CEI Brokers batok sa Azkals pinaagi sa pagkulit og 94-83 nga kadaogan aron sakmiton ang titulo sa 5-8 Division sa 2nd BOC Doggy Cup basketball tournament niadtong Huwebes sa gabii sa barangay Tinago gym, ning dakbayan.

Kanunay untang mohulga pagsikit ang Azkals ug tres puntos na lang unta ang labaw sa kontra, 62-65, sa kataposang dos minutos sa third quarter human sa basket ni Arnek Guidayawan.

Apan didto sa fourth quarter, mipabuhagay og tulo ka sunodsunod nga tres si Arvin dela Cerna nga maoy naghatag sa CEI og 14 puntos nga bentaha, 84-70 apan ang labing dakong labaw miabot sa 18 puntos atol sa halftime, 56-38.

Si Dela Cerna maoy napiling MVP a 5-8 Division human siya moposa og 23 puntos samtang midugang og 18 puntos si Titing Mayola. Laing players sa CEI nga miamot og double figures mao silang nico Laborte ug Barek Agpalo kinsa mi-iskor og 14 ug 10 puntos, matag usa.

Ang Azkals gipangulohan ni Deo Layam sa iyang 14 puntos bisan og uwahi siyang niabot alang sa duwa. Silang Jay Alolod ug Dexter Caballero midugang og 12 ug 10 matag alang sa Azkals.

Si Wiljun’ Sugar” Camay, ang team owner sa CEI, mihatag og victory party sa iyang mga player didto sa ilang pinuy-anan sa barangay Kasambagan. Wala na siya motambong sa awarding ceremony tungod kay daw gibati siya’g hilanat ug una siyang mipauli.

Mao na kadto’y ikaduhang kampyonato sa CEI

Brokers nga gisalmotan og mga nagkalain-laing Customs brokerage dii ang una mao ang CEI Barkadahan diin sila maoy sponsor sa maong torneyo. Puntos matag usa:

CEI Brokers (94)- Dela Cerna 23, Mayola 18, N. Laborte 14, Agpalo 10, Famador 8, Etorma 6, W. Camay 4, Aniana 4, Engracial 4.

Azkals (83)- Layam 14, J. Alolod 12, Caballero 10, Genobiagon 9, Valenzuela 9, Cuico 8, Katada 7, Guidayawan 5, Doronilla 4, E. Alolod 3, Veliganilao 2. Halftime: 56-48.