Casimero gipangandaman
GRABE ang paningkamot ni British Charlie Edwards sa training alang sa iyang pagpakigbatok kang Filipino Johnriel Casimero karong Septiyembre 10 alang sa inilugay sa International Boxing Federation (IBF) flyweight title sa O2 Arena sa London.
Si Edwards, kinsa aduna pa la’y 8-0, 3KOs nga rekord, miangkon nga lisod kini nga tahas alang kaniya apan malaumon siyang molampos.
Alang kaniya, aduna siya’y nasigpatan sa estilo ni Casimero nga puwede niyang pahimuslan aron angkunon ang kadaugan. Si Casimero adunay 22-3, 14KOs nga rekord.