Alvarez moaway kang Smith

MOAWAY og balik si Mexican Saul ‘Canelo’ Alvarez (47-1-1, 33KOs) karong Septiyembre 17 diin suwayan niya pag-ilog ang korona ni World Boxing Organization (WBO) jr. middleweight champion Liam Smith sa AT&T Stadium sa Arlington, Texas.

Si Alvarez, kinsa maoy giingong mosunod nga superstar sa boksing, miposte og brutal nga 6th round knockout nga kadaugan batok kang British Amir Khan sa labing ulahi niyang away niadtong Mayo.

Sa pagretiro nila ni American Floyd Mayweather Jr. ug Filipino Manny Pacquiao, si Alvarez gikonsiderar nga maoy labing giatangan sa kalibutan sa boksing.