Alvarez naghari sa 210K

GIPATIGBABAWAN ni Bayani Alvarez sa miaging adlaw ang Cebu Southwest 210 Kilometer Ultramarathon nga nagsugod sa lungsod sa Santander, Cebu ug nahuman sa Plaza Independencia sa dakbayan sa Sugbo.

Si Alvarez sa Spectrum Runners Club mihuman sa lumba sulod sa 26 ka mga oras ug 30 ka mga minutos.

Ang pulis nga si Brian Guillen sa Lapulapu City maoy 2nd placer pinaagi sa oras nga 28:07 samtang 3rd placer si Virgilio Undac, kinsa adunay oras nga 32:48.