Nietes nakig-sparring og mga dagko
PIPILA pa lang ka adlaw gikan sa iyang paghiabot sa Los Angeles, wa gilayon mag-usik og panahon si Donnie “Ahas” Nietes sa pagpakig- sparring batok sa mga mas bug-at pa niya og timbang.
Sa tinguha nga mamahimong three-division world champion, si Nietes, kanhi WBO world light flyweight champion nakigsinukliayg kumo batok sa California-based Mexican fighter nga si Ricardo Rodriguez sa Wild Card Boxing Club ni Freddie Roach.
Kini kabahin sa iyang subsub nga preparasyon sa iyang pagpakig-away ni kanhi world champion Edgar Sosa karong Septiyembre 24 sa StubHub Center sa Carson, California.
Ang maong away maoy maghatag og yawe sa 34 anyos nga taga Negros aron iyang makontra ang kasamtangang world fly king nga si Juan Francisco Estrada.
Si headcoach Edito Villamor mibutyag nga natagbaw siya sa gipakita ni Nietes atol sa ensayo niini.
Si Nietes uban sa laing duha ka Ala Boys nga sila si King Arthur Villanueva ug Mark Magsayo mibiya sa nasod sa miaging semana.
Si Villanueva ug Magsayo, kinsa wala pay pildi sa 14 ka away, mopakita usab og aksyon sa maong card.
Si Villanueva (29-1-0, 15KO), kinsa midaog sa WBO Asia-Pacific bantamweight title batok kang Mexican Juan Jimenez (2210-0, 15KO), gimanduan sa WBO nga makig-away og balik kang Jimenez.
Kontrobersyal ang resulta sa premirong away niadtong Mayo 28 sa Bacolod City diin midaog si Villanueva pinaagi sa 4th round TKO.
Si Magsayo (14-0-0, 11KOs) gikan sa iyang makutas nga 6th round TKO nga kadaugan batok kang sa kanhi world title challenger nga si American Chris Avalos niadtong Abril sa Cebu City Sports Complex mosuway usab sa katakos ni Ruben Garcia sa Mexico.