John Neil Roa Biyaheng Musika

Biyaheng Musika

Si John Neil Roa nailhan sa mga reality ug singing contest sa national television sama sa “Pilipinas Got Talent” ug “Tawag ng Tanghalan.” Ang iyang mga ginikanan nga si Nelson ug Joy Roa nisikat usab og kadiyot dihang na-feature ang ilang lovestory sa “Maalaala Mo Kaya” sa ABS-CBN niadtong 2011. Ang 16-anyos na karon nga si John Neil Roa maoy bunga sa ilang pagminahalay. Apan karon ang ilang anak na sad ang nangayo og kagawasan aron pangitaon ang kapalaran sa musika. John Neil Torrente Roa, Sssuper Ka!

Nag-unsa ka ron sa Manila?

Nag-record ko sa akong debut album nga “Byahe” featuring 10 original RnB songs plus three bonus tracks. Naa pud diri akong mga barkada ug co-artist nga dako sad og contribution sa akong music. Since June, adto-ngari ra ko sa Manila kay naa man dire ang among studio. Naa sad koy relatives sa side sa akong mother.

Kinsay composer ug producer sa imong album?

Wala koy specific composer. Nagtinabangay ra mi kay puros man mi mga artist dire. My album will be out soon on Spotify, Itunes and Youtube under Ex Battalion Music. Ang akong producer, Mark Maglasang, is also the owner of Ex Battalion Music.

Unsa ning Ex Battalion Music?

Sila akong grupo karon sa Manila. They are my good friends and coartists, who are helping me to make my own mark in the music industry. Dili man sad sila mubohat og butang nga makadaot nako.

Unya ang imong pag-eskwela?

Nag-stop una ko. Dili siya sayun nga decision kay bisan akong parents di gyud unta mosugot pero I promised next year mopadayon na ko. Ako lang unang i-grab ang opportunity nga makahimo og album. Grade 11 na unta ko karun. Lisud man gud moeskwela and at the same time mokanta. Pareho sila kinahanglan focusan ug effortan unya lisud kaayo sila both i-balance. Pero nagpasalamat gihapon ko kay supportive kaayo akong parents ug nakasabot sila nganong kinahanglan kong moanhi sa Manila.

Asa inyong gigs?

Usahay sa mga bar sa Las Pinas, Makati, or bisan asa lang. Naa sad sa Visayas, like karung Sept. 10 naa ko’y event sa Bohol kauban si Matt Lubid (Ato ni Vines) nga suod pud nako nga amigo. Wala man ko’y problema sa finances kay naa man koy earnings then tabangan sad ko sa akong parents.

Unsay biggest accomplishment nimo so far?

Kini akong gihimong album ug kanang makadungog ko nga niappreciate sila sa akong music, for me it’s already a blessing. Since bata pa ko I’ve been performing and joining a lot of competitions and hopefully this album will define me as an artist.

Kumusta imong parents?

Still going strong bisan sayo kaayo silang naminyo apan ilang gipamatuod nga first love never dies. Pero wish nako nga mamanghuran na unta ko kay mingaw kaayo ning only child (laughs).

Wa kay plano moapil og balik sa Tawag ng Tanghalan?

Wala pa for now kay mas naa man gud koy freedom kon mag independent artist lang usa ko.

Kumusta imong experience sa Tawag ng Tanghalan?

Happy kaayo bisan og wala ko kadaog apan daghan kong nadawat nga comments nga nakapa-encourage nako to do better as an artist.

Sa imong tan-aw kinsay modaug sa grand finals?

Si Marielle Montellano. Dako jud kaayo ko og faith nga layo siya og maabtan. I know her personally man gud and I know how really good she is as a singer and even as a person.

Unsay advice nimo sa mga teenager nga sama nimo gutsy na kaayong nanimpad sa Manila?

Always follow your dreams but as much as possible finish your studies first. Education is still very important. I promised to myself and to my parents that once I’m done with this album I will go back to Cebu to finish my study. Balik kog eskwela kuya kay sayang.