Iya nihatag og detalye sa iyang pagpanganak

EKSAKTONG 12:06 P.M. niadtong Agusto 30 dihang gihimugso ni Iya Vllania si baby Antonio Primo nga may timbang nga 2.9 kilos o 6.4 lbs.

Matod sa 30 anyos nga TV hostaktres sa live phone patch sa 24 Oras, “Ang hirap pala manganak! Kahit nakaepidural [anaesthesia]. Ang hirap, pero sobrang sarap paglabas ni Baby.”

Si Iya niadto sa ospital dihang nakabati siya og paghilab sa tiyan. Apan nipauli siya sa balay sa pagtuong false alarm ra.

Ang iyang due date sa September 4 pa maong kumpiyansa ra si Iya. Apan nianang sayo sa buntag sa alas 5 nibalik sila sa ospital dihang nagsugod na gyud siya og labor.

Ilang gipanganlan ang mahimsog nga batang lalaki og Antonio Primo nga gikan sa pangan sa papa sa 36-anyos nga si Drew Arellano.

Tuig 2014 dihang gikasal si Iya ug Drew human sa 10 katuig nilang panag-uyab.

Gipasigarbo ni Iya o Raelene Elaine Ebaler sa tinuod nga kinabuhi nga napreserbar niya ang iyang pagkabirhen hangtod sa adlaw sa ilang kasal.