Showbiz stars nga mipatong na sa 50
Nia ang mga local stars nga nag-edad na og 50 o pataas apan aktibo gihapon sa showbiz ug maora la’g wala matiguwang. Gani, ang uban ani nila mga kanhi child star. Sila ang mga artista nga nisikat niadtong 80s ug 90s ug hangtod karon naa gihapon sa telebis
Agot Isidro, 50. Naa siya karon sa Ang Probinsyano ug kanhi 'Crush ng Bayan' niadtong dekada 90. Nahimo sad siyang recording artist, diin lakip sa iyang gipasikat ang kantang 'Sa Isip Ko,' 'Everyday,'ug 'Beginning Today.' Richard Gomez, 50. Ang matinee idol-turnedpolitician mao na karon ang mayor sa Ormoc City. Apan sa wala pa ang iyang kadaugan, sikat ang loveteam nilang CharDawn (Dawn Zulueta) sa ABS-CBN. Sharon Cuneta, 50.
Ang Megastar ang usa karon sa mga hurado sa ABS-CBN's The Voice Kids Season 3. Una siyang nisikat sa recording sa edad nga 12. Jose Manalo, 50. Ang sikat nga komedyante ug TV host sa Eat Bulaga! Apan nasayod ba mo nga nagsugod ra siya isip production assistant sa Eat Bulaga? Ruby Rodriguez, 50. Sukad niadtong 1990, usa siya sa mga karaang co-host sa Eat Bulaga! ug naapil usab siya sa Okay Ka Fairy Ko niadtong 1987. Snooky Serna, 50. Si Snooky unang gilusad isip usa sa mga original Regal babies dihang teenager pa lang siya. Apil siya karon sa bag-ong Kapuso serye, Sinungaling Mong Puso. Maricel Soriano, 51. Nailang Diamond Star ug dunay 46 movie and television awards sa iyang pangan. Ai Ai delas Alas, 51. Nailang Comedy Queen ug usa karon sa mga mainstay sa GMA's Sunday PinaSaya ug Hay, Bahay. Gabby Concepcion, 52. Kanhi matinee idol niadtong 80s ug wala na tingali makalupig sa ilang Gabby-Sharon loveteam niadtong dekada 80. Nibiya siya sa showbiz niadtong 2001 ug nibalik isip Kapuso star. Zsa Zsa Padilla, 52. Usa sa mga maintstay sa ASAP ug katapusang niarte sa seryeng The Story of Us along uban nilang Kim Chiu ug Xian Lim. Iyang gipasikat ang kantang 'Hiram' niadtong 80s. Gary Valenciano, 52.
Mr. Pure Energy sa music industry. Nagsugod siya sa edad nga 14 ug bisan masakiton, usa siya sa pinakamalampusong singer sa kasaysayan sa recording sa nasud. Jaclyn Jose, 52. Siya ang unang Southeast Asian ug Filipina actress nga nidaug og best actress award sa
Cannes Festival sa iyang role sa Ma' Rosa. Albert Martinez, 53.
Actor, director, ug producer, si Albert nagsugod niadtong 1980 ug usa sa pinakasikat nga matinee idols sa Pilipinas niadto. Nidula siya karon nga kontrabida sa Ang Probinsyano. Carmi Martin, 53. Nagsugod siya isip usa sa Dolphy's angels niadtong 70s, ug nahimong leading lady sa mga action stars ug comedians. Nahimo sad siyang co-host sa Student Canteen ug co-star sa Chicks to Chicks. Cherie Gil, 53. Sikat sa iyang iconic role isip Lavinia Arguelles sa Bituing Walang Ningning, si Cherie katapusang nakita isip si Luciana Marchesa sa Dolce Amore. Martin Nievera, 54. Sikat nga balladeer sa dekada 80 ug gitawag nga concert king tungod sa iyang jampacked concerts. Lorna Tolentino, 54. Si L.T. ang usa sa upat ka grand-slam actresses--Vilma Santos, Nora Aunor, ug Sharon Cuneta. Ang iyang acting sa Narito Ang Puso Ko nakapadaug niya og Best Actress sa FAP, FAMAS, Urian, ug Star Awards. Dennis Padilla, 54. Ang komedyanteng aktor katapusang nakita sa FPJ's Ang Probinsyano. Hangtod karon di gihapon mahutdan og proyekto si Dennis. Rio Locsin, 55. Si Rio unang nisikat isip sexy star niadtong dekada 80. Apan karon usa siya sa mga
respetadong aktres sa industriya. Amy Austria, 55.
Unang pelikula ni Amy ang Tubig at Langis, niadtong 1980. Katapusan siyang nigawas isip adoptive mother ni Kathryn Bernardo sa remake sa Pangako Sa 'Yo sa miaging tuig. Willie Revillame, 55
Una siyang nailhan isip actor hangtod nga nahimong sikat nga TV host sa ABS-CBN ug karon sa GMA-7. Dina Bonnevie, 55. Si Dina nagsugod niadtong 80s dihang nagbida siya sa original Temptation Island ug sa pelikulang Katorse. Katapusan siyang nigawas sa GMA's Beautiful Strangers. Joey Marquez, 58. Una siyang nisikat sa sitcom nga Palibhasa Lalake niadtong 80s. Karon, aktibo siya isip komedyanteng aktor. Christopher De Leon, 59 Si Boyet (iyang angga) upat na ka dekada sa showbiz. Human siya nigawas sa Tinimbang Ka Ngunit Kulang, nakahimo na siya og 132 films ug nigawas sa 48 television projects.