Sustento papun-an
Dear Atty. Joan,
Maayong hapon. Mangutana lang unta ko kung may katungod ba ang akong anak nga mangayo og puno nga sustento gikan sa iyang amahan? Niadtong gamay pa siya hangtod karon, P3,500 kada bulan ra gyoy sustento sa iya. Kulang na gyod kaayo Attorney. Salamat.
Rose
Dear Rose,
Mahimo kaayo kang mangayo og umento sa sustento. Kon pila ang sustento, wa gyoy gibutang sa balaod nga pormula o equation. Apan ang kita sa gipangayoan og sustento, kon pila ka buok ang iyang angay sustentohan, ang panginahanglan sa nangayo og sustento, ug uban pang mga factor ikonsiderar sa korte kon pila gyoy hustong ihatag sa nangayo og sustento. Kon ang ubang factors mao ra gihapon, gawas na lamang sa panginahanglan sa inyong bata, angay nga mohatag ang amahan og mas dakong sustento para sa bata.
Hinaot nakatabang kini kanimo.
Atty. Joan