Ocampo miluwas sa TNT Katropa

NAPAPAS man tuod ang dakong labaw sa TNT Katropa apan nakakita gihapon kini og gamay lungag nga maoy ilang gikaipsotan aron patapsingan ang GlobalPort, 122120, sa 2016 PBA Governor’s Cup sa Araneta Coliseum.

Si Ranidel Ocampo, kinsa mipaksit og 17 puntos, maoy nahimong bayan sa TNT sa dihang iyang gibuak ang 120120 nga panagtabla sa katapusang 5.7 segundos ug ang hugot nga depensa niini nga maoy nakapa turnover sa Batang Pier ang nakapahugot sa ilang paghupot sa liderato nga may 71 nga baraha.

Si Jayson Castro mitali og 37 puntos lakip ang threepoint nga maoy naghatag og 120109 nga labaw sa katapusang tres minutos sa duwa. Apan ang GlobalPort wa gilayon mopakita og paghurar.

Pinaagi sa import nga si Mike Glover, inubanan nila ni Terrence Romeo ug Stanley Pringle, ang GlobalPort mipahagsa og 110 nga rally nga maoy nakapatabla, 120120, usa ka minuto ang nagpabilin sa duwa.

Gikan sa timeout, si Castro milusot atubangan sa mga nagdepensa kaniya apan sa kalit lang iyang gipawas sa gawas diin didto nakapuwesto si Ocampo alang sa bayanihong itsa.

Mga puntos: TNT Katropa (122)

- Castro 37, De Ocampo 17, Fonacier 14, R. Reyes 11, Madanly 10, Williams 8, Ammons 7, Rosales 7, Tautuaa 6, Rosario 5, Carey 0, Rosser 0. GlobarPort (120) - Glover 38, Romeo 33, Pringle 25, Washington 9, Taha 5, Salvacion 3, Semerad 3, Dehesa 2, Yeo 2, Mamaril 0. Quarterscores: 3518, 7052, 9686, 122120.