Lalake mipatay sa iyang `kabit’

USA ka babaye gilubapatay sa lalaki nga iyang karelasyon sulod sa pito ka mga bulan niadtong Miyerkules sa alas 4:00 sa hapon sa Barangay Poblacion, lungsod sa Barili.

Si Ana (di tinuod ngalan), 20, minyo, taga Barangay Maigang sa naasoy nga lungsod ug checker sa usa ka tindahan sa lungsod, dead-on-arrival (DOA) sa tambalanan.

Si Mario (dili tinuod ngan), 33, minyo, taga Barangay Balao, Barili, drayber ug kauban sa biktima nga nagtrabaho sa lumber nga tindahan, kritikal sa Vicente Sotto Memorial Medical Center (VSMMC) diin siya gidala human nagdunggab sa iyang dughan.

Si PO3 Rommel Patalinghug, imbestigador sa Barili police station nga nahinabi sa Superbalita Cebu, niingon nga ang lalaki wala makadawat nga gibuwagan ni Ana.

Sa wa pa mahitabo ang krimen, si Ana niadto sa bodega sa ilang trabahoan aron pagtuman sa iyang trabaho isip checker.

Si Mario nisunod ug nakigistorya kang Ana gibuwagan siya niini, gipranghan nga putlon na ang ilang relasyon ug mobalik sila sa ilang tagsatagsa ka pamilya.

Pero nasuko si Mario, hinungdan nga nagkalalis ang duha.Nikuha og kutsilyo si Mario ug gigukod si Ana.

Naabtan niya ug gihansakan gilayon ang bukobuko ni Ana tumong sa spinal cord hinungdan sa hinanaling kamatayon niini.

Si Mario nga nakakita nga patay na si Ana, gikatahong nagduslak sab sa kutsilyo tumong sa iyang walang dughan hinungdan nga pulos sila milandig sa tambalanan sa Barili.

Si Ana DOA sa ospital apan si Mario kritikal nga gidala ug giobserbahan sa VSMMC.

Dunay pulis nga nagbantay kaniya sud sa tambalanan.