Uwan sa Siomai Festival
BISAN sa pagbundak sa uwan apan wa kini nakapugong sa Siomai Festival sa Barangay Tisa niadtong Dominggo.
Gidagsa gihapon sa kadaghanan ang ikatulo ka tuig sa Siomai Festival diin 10 ka contingent ang nilangkob niini.
Karong tuiga naangkon sa Tribu Kalanggaman (Zone 4) ang kadaugan sa Ritual Showdown diin nakakuha kini og P50,000; 2nd prize ang Tribu Panginabuhi (Zone 6) diin nakakuha kini og P30,000 ug 3rd ang Tribu Mabulokon (Zone 5) diin nakakuha kini og P20,000.
Ang Tribu Kalanggaman usab ang nakakuha sa Best in Street Dance ug Best in Choreography.
Samtang ang Festival Queen niini nga si Mary Jan Nicole Cal mao ang grand
cham - pion, si Janevel Marie Polleros sa Tribu Pangi- na bu hi ang nakakuha sa 2nd prize ug si Kienkey Amamampang sa Tribu Magtutudlo (Tisa 2 Elementary School) ang 3rd prize.
Gipasidunggan isip Best in Costume ang Tribu Magtutudlo ug Best in Andas ang Tribu Tubong Tisan-on.
Gilangkuban sa nagkadaiyang mga sitio sa barangay ang matag zone niini.
Matod ni Atty. Joel “Jong” Alcazaren, overall organizer ug konsehal sa barangay, nga mokabat sa P200,000 ngadto sa P300,000 ang budget alang sa Street Dancing ug Ritual Showdown niadtong Dominggo.
Itandi sa milabay nga mga tuig, giusab nila ang rota sa
street dance gikan sa dan Katipunan sa may Lourdes Drive paingon sa Tisa 2 Elementary School diin gipahigayon ang ritual showdown. Dugang ni Alcazaren nga nahinabi sa Superbalita Cebu nga mas maayo nga sa Tisa 2 Elementary School Gym nila gihimo ang ritual showdown tungod kay nibundak ang uwan.
Nakadawat og P15,000 ang matag contingent gikan sa barangay isip suporta pinansiyal sa preparasyon niini sa festival.
Lahi usab sa nilabay nga mga tuig, adunay Miss Tisa karong tuiga ug lahi usab ang Festival Queen diin mismo sa pista kini gi-anunsiyo.
Si Mary Monica Pardenilla ang Ms. Tisa 2016 samtang 1st Runner Up si Queenie Lois Lucino ug 2nd Runner Up si Lovely Ocampo Balos diin gipahigayon ang coronation night niadtong
Sabado.
Gawas niini aduna usab gipahigayon nga Little Miss Tisa 2016 diin si Princess Tessa Bacalla ang gikoronahan samtang 1st runner up si Quisha Nicole Go ug 2nd runner up si Jeshly Kaize Montero.
Mapasalamaton usab ang kapitan sa barangay nga si Phillip Zafra sa laing malampuson nga Siomai Festival.
“Ako ug ang kinatibuk-an sa konseho sa barangay nagpasalamat og dako ngadto kaninyong tanan sa kalampusan sa atong Siomai Festival 2016 agig halad ug pasidungog sa mahal tang patron nga si San Lorenzo Ruiz,” matod ni Zafra.
Ang kapistahan agi kinig pasalamat sa patron sa barangay nga si San Lorenzo Ruiz ug paghatag og bili sa nakapasikat sa barangay, ang Siomai.