Sayop sa paggamit og kuryente rason sa sunog

USA ka ‘ electrical misuse’ maoy pasiunang gitumbok sa mga bombero nga hinungdan sa sunod sa 3-story buiding sa Lucio Lopez Drive, Barangay Calamba, siyudad sa Sugbo kagahapon. Ang edipisyo gipanag-iya ni Patrecia Uy. Ang alarma nadawat alas 10:23 sa buntag ug nakontrolar alas 10:38 sa buntag ubos sa 2nd alarm.

Sa pasiunang imbestigasyon ni SFO2 Roland de los Reyes, ang kayo didto magsugod sa lawak ni Jefferson Uy.

Atol sa hitabo, wala sa iyang lawak si Jefferson ug nag-andar ang iyang electric fan.

Wa makasugat og problema ang kabomberuhan kay adunay fire wall ang building busa wala mokatap sa silingan ang kayo.

Gikatakda nga ipatawag sa kabomberuhan ang mga tawo nga diha sa lugar sa wala pa makaulbo ang kalayo.

Gibanabana nga moabot og P200 mil ang danyos sa sunog ug walay kinabuhi nga naapektohan.