Refrigerator midagan, gipahunong sa babaye
NAKUHAAN og video footage ang midagan nga refrigerator kay gipadpad kini sa kusog nga hangin resulta sa bagyo.
Ang camera sa mobile ang nakakuha niini nga footage didto sa Tamsui District, New Taipei City, sa amihanang Taiwan unya giupload ni Chen Shih-fong.
Si Chen, kinsa nagbantay sa security feed sa ilang balay aron masusi unsay dagan sa panahon, wa niya damha nga iyang makuha ang taas nga refrigerator nga midagan sa karsada resulta sa pagkapadpad niini sa kusog nga hangin.
Usa sa mga silinga ni Chen nakit-an nagbarog sa karsad, kinsa nagsusi usab sa kuyaw nga kondisyon sa panahon resulta sa bagyong Super Typhoon Megi.
Ang iyang siligan daw sa nakugang dihang ang refrigerator midagan hinungdan nga iyaha kining gigukod bisan kusog ang uwang ug hangin diin iyaha kini nga nagunitan ug gipahunong.
Ang gihimo sa iyang silingan maoy makapugong nga maguba kini.
Ang refrigerator gipanagsa usa sa mga shop diin wa kini bantayi sa tag-iya.
Wa magtuo ang tanan nga lisod kini nga padaganon apan naprobar kini sa bagyong Megi, nga maoy ikatulo nga kusog nga bagyo nga niigo sa isla sud sa duha ka semana.
Ang bagyo niresulta og upat ka mga patay ug moabot sa 250 ang mga naangol, diin miigo sa Fujian Province, East China, diin ang mga molupyo wa maulii nunot sa pagagi sa laing duha ka mga bagyo nga Meranti ug Makalas.