Mama gisuwayan og patay sa anak, asawa, anak miabiba
NAKUHAAN og video sa iyang asawa ang lalake nga nisuway sa pagpatay sa iyang kaugalingon nga inahan pinaagi sa pagtuok niini samtang nagtan-aw ang iyang anak nga babaye.
Si Surendra Vaidya nakita nga nihikot og panapton ngadto sa nawong sa iyang 80 anyos nga inahan nga buot niyang mahunong na ang pagginhawa niini.
Ang tiguwang nga babaye naningkamot batok sa gibuhat sa iyang anak nga lalake ug gipatiran ang bukton ug paa niini aron padayon pa siyang mabuhi.
Ang asawa sa lalake kinsa maoy nagkuha sa video madunggan nga midasig kaniya ug dihay higayon nga nagkanayon kini “nga ang babaye matinumanon kaayo” samtang ang tiguwang babaye nisuway sa pag-estorya.
Ang umagad nga babaye makitan usab nga migunit sa kamot sa babaye aron mapugngan siya nga makabarog.
Ang batan-ong anak nga babaye sa magtiayon makit-an usab sa footage nga giingnan sa iyang amahan nga dunggabon iyang lola sa tiyan dihang diha na kini sa sawog.
Suwerte nga nasalbar ang tiguwang human adunay Non-Goverment Organization (NGO) work nga nakadawat og tip ug niabot sa balay didto sa Andheri, Mumbai, India.
Ang lalake gidakop uban sa mga taho nga iyang giabusohan ang iyang inahan sa taas nang higayon ang tiguwang gidala sa hospital ug nagpaalim na sa iyang nahiaguman.
Ang umagad ug apo nagtago kini karon sa mga awtoridad.