one liner
LOVI UG MAX MAGTIGI
Excited si Max Collins sa mosunod nga mga scene nila sa primetime series nga Someone To Watch Over Me kay mag-ipon na sila sa usa ka balay ni Tom Rodriguez ug Lovi Poe. Si Tom ug Lovi ang magtiayon dinhi apan ang ex niyang si Collins ang iyang gipangita tungod sa iyang sakit nga Alzheimers.
NIKITA GYUD KAHA?
Giingong nikita ang My Rebound Girl nilang Alex Gonzaga ug Joseph Marco sa ilang opening day. Pero walay figures nga gihatag ang Regal Film kon pila gyuy kita. Pero sa Cebu mingaw man.
MANO PO, LUWAS NA
Luwas nga nakabalik sa Manila niadtong Huwebes sa kaadlawon ang cast, staff ug crew sa “Mano Po 7: Chinoy” human sila na- stranded sa Taiwan tungod sa bagyo. Maayo na lang kuno dunay kan-anan sa ilang naabtan maong wala ra sila magutmi.
60 POUNDS ANG NAIBAN
Nitug-an si Sharon Cuneta nga mokabat sa 60 pounds ang nikunhod na sa iyang timbang. Matod sa megastar nga iyang giseryuso ang pagpadaut human iyang nakita sa TV ang kaugalingon nga puwerte na niyang dakoa. Si Sharon niatubang sa press alang sa umaabot niyang concert sa Solaire Resort & Casino karong October 15 ug October 22.
MATTEO MAG-PRESSCON
Dunay himuong press conference si Matteo Guidicelli sa Cebu sunod semana aron hisgutan ang upcoming concert niya sa Waterfront Cebu City Hotel karong Nov. Mokuyog kaha si Sarah G?