Brad Pitt problemado, mikanselar sa red carpet
WALA modayon si Brad Pitt sa iya untang red-carpet appearance sa premiere showing sa bag-ong pelikula ni Terrence Malick nga "Voyage of Time" niadtong Miyerkules.
Ang gitumbok nga rason mao ang giatubang niyang problema sa pamilya taliwa sa gipasakang divorce ni Angelina Jolie.
Ang official statement sa 52-anyos nga aktor nagkanayon:
"I'm very grateful to be part of such a fascinating and educational project, but I'm currently focused on my family situation and don't want to distract attention away from this extraordinary film, which I encourage everyone to see."
Si Jolie, 41, nisangat og divorce niadtong September 19 tungod sa irreconcilable differences. Ang aktres nangayo sa kustodiya sa unom nila ka mga anak, samtang visiting rights ra ang gitugot niya kang Pitt.