Kim Kardashian gihasi og prankster sa Paris
GIATAKE si Kim Kardashian sa celebrity prankster nga si Vitalii Sediuk samtang padung na untang mobiya ang modelo atol sa Paris Fashion Week niadtong Miyerkules (September 28) sa Paris, France.
Ang 35-anyos nga reality star naglakaw niadtong higayona dihang kalit siyang gidagan sa luyo ni Vitalii ug gihagkan ang iyang sampot.
Dali nga gilayog sa mga security ni Kim ang lalaki ug gipahigda sa sawog. Matod ni Vitali nga wala siyay dautang tuyo sa iyang gihimo.
“I hope Kim is okay and won’t be mad at me as I didn’t mean any harm. Kanye is one lucky man as Kim is a goddess!”
Ikaduha na ning higayon nga niatake og celebrity nga babaye si Vitalii kay karon lang buwana iya sad giatake si Gigi Hadid atol sa Milan Fashion Week.